Пахаваны 60 воінаў і партызан, якія загінулі ў баях з нямецка-фашысцкімі захопнікамі ў 1941-1945 гг. Сярод пахаваных - воіны 20-га стралковага корпуса 28-й арміі 1-га Беларускага фронту, якія загінулі 12 ліпеня 1944 г. пры вызваленні г. Івацэвічы, адзін з арганізатараў і кіраўнікоў партызанскага руху на тэрыторыі Брэсцкай вобласці ў гады Вялікай Айчыннай вайны Канстанцін Дзям'янавіч Талочка . У 1956 г. на магіле ўстаноўлены помнік - скульптура воіна.