Царква ў гонар абраза Маці Божай Дзяржаўнай

г. Івацэвічы, вул. Дэпутацкая, д. 2

Царква пачала будавацца ў 1992 г. недалёка ад таго месца, дзе ў 1961 г. была спаленая старая царква. Праект царквы распрацаваны ў Маскоўскай патрыярхіі рыжскімі будаўнікамі. Царква выканана ў стылі старажытнарускага царкоўнага дойлідства. Аснова кампазіцыі - гэта вертыкальна выцягнуты 4-хгранны купальны аб'ём, які вянчае 5-купалле з трайнымі закамарамі і вузкімі аконнымі праёмамі, выкананымі ў выглядзе арак. Паўкруглыя апсіды пад сферычнымі пакрыццямі, бакавыя цыліндрычныя хрысцільня і нізкі бабінец з макаўкай над двухсхільным дахам заканчваюць алтарны фасад. Менавіта ў званіцы гэтага праваслаўнага храма знаходзіцца самы вялікі ў Беларусі Цар-звон, вага якога складае каля 2 тон. Звон упрыгожаны барэльефнымі малюнкамі крыжа Ефрасінні Полацкай і Дзяржаўнай іконы Божай маці. Знізу звана, агінаючы яго па перыметры, нанесены надпіс - «Адліты гэты звон у 2006 годзе ад нараджэння Хрыстова на грошы дзяржавы ў ахвяру і як малітоўны заклік аб адраджэнні хрысціянскай дзяржаўнасці».